Hyderabadi Veg BiryAnI - హైదరాబాదీ వెజ్‌ బిర్యానీ

కావలసినవి:

బాస్మతి బియ్యం: ఒకటిన్నర కప్పులు,
కుంకుమపువ్వు: కొద్దిగా,
పాలు: అరకప్పు,
నూనె: సరిపడా,
ఉల్లిముక్కలు (సన్నగా పొడవుగా తరిగినవి): ఒకటిన్నర కప్పులు,
జీడిపప్పు:2 టేబుల్‌ స్పూన్లు,
బాదం: 2 టేబుల్‌స్పూన్లు,
ఎండుద్రాక్ష: 2 టేబుల్‌ స్పూన్లు,
నెయ్యి: అరకప్పు,
లవంగాలు: నాలుగు,
నల్లయాలకులు: రెండు,
పలావు ఆకులు: రెండు,
ఉల్లిముక్కలు (చిన్నముక్కలుగా తరిగినవి): ముప్పావు కప్పు,
 అల్లంవెల్లుల్లి: టేబుల్‌స్పూను,
పుదీనా ముద్ద: అరకప్పు,
కొత్తిమీర ముద్ద: పావుకప్పు,
బిర్యానీ మసాలా: 3 టేబుల్‌ స్పూన్లు,
ఉప్పు: రుచికి సరిపడా,
బంగాళాదుంప ముక్కలు: ముప్పావు కప్పు,
క్యారెట్‌ ముక్కలు: ముప్పావు కప్పు,
 కాలీఫ్లవర్‌ ముక్కలు:పావుకప్పు,
బీన్స్‌ ముక్కలు: పావు కప్పు,
తాజా మీగడ: 2 టేబుల్‌స్పూన్లు,
పెరుగు: అరకప్పు,
కొత్తిమీర తురుము: టేబుల్‌స్పూను,
పిండి ముద్ద: అంచుల్ని మూసేందుకు సరిపడా
[List In English :
BiryAnI, Basmati Rice, Milk, Oil, Oninons, Cashewnut, Almond, Raisin, Ghee, Cloves, Black Cardamom, Pulav Leaves, Ginger Garlic Paste, Mint, Coriander Leaves, Biryani Masala, Salt, Potato, Carrot, Cauliflower, Beans, Fresh Cream ]

తయారుచేసే విధానం:

అన్నం కాస్త పలుకు ఉండి పొడిపొడిలాడేలా వండి పక్కన ఉంచాలి.ఒకటిన్నర టేబుల్‌స్పూన్ల గోరువెచ్చని పాలలో కుంకుమపువ్వును కరిగించి అన్నంలో వేసి బాగా కలపాలి. తరవాత అన్నం రెండు సమ భాగాలుగా చేసి పక్కన ఉంచాలి.నూనె వేసి సన్నగా పొడవుగా తరిగిన ఉల్లిముక్కలు వేసి వేయించి తీసి పక్కన ఉంచాలి. నాన్‌స్టిక్‌ పాన్‌లో సగం నెయ్యి వేసి జీడిపప్పు, బాదం, ఎండుద్రాక్ష వేసి వేయించి తీసి పక్కన ఉంచాలి. అదే పాన్‌లో లవంగాలు, యాలకులు, పలావు ఆకులు వేసి వేయించాలి. చిన్న ముక్కలుగా తరిగిన ఉల్లిముక్కలు, అల్లంవెల్లుల్లి వేసి వేయించాలి. ఇప్పుడు పుదీనా ముద్ద, కొత్తిమీర ముద్ద, బిర్యానీ మసాలా, ఉప్పు, కూరగాయల ముక్కలు వేసి కలపాలి. మీగడ, మిగిలిన పాలు పోసి ఉడికించాలి. తరవాత దించి చల్లారాక గిలకొట్టిన పెరుగు కూడా వేసి కలపాలి. ఈ మిశ్రమాన్ని రెండు భాగాలుగా చేసి పక్కన ఉంచాలి.మరో పాన్‌లో మిగిలిన నెయ్యి వేసి వేయించిన ఉల్లిముక్కలు పరిచినట్లుగా చల్లాలి. దానిమీద ఉడికించిన కూరగాయల మిశ్రమంలో ఒక భాగాన్ని పరచాలి. ఇప్పుడు దానిమీద అన్నంలో ఒక భాగాన్ని పరచాలి. తరవాత మళ్లీ ఉల్లిముక్కలు, కూరగాయల మిశ్రమం, అన్నం వరసగా పరచాలి. చివరగా మిగిలిన ఉల్లిముక్కలు, జీడిపప్పు, బాదం, ఎండుద్రాక్ష, కొత్తిమీర తురుము చల్లి మూతపెట్టి ఆవిరి బయటకు పోకుండా అంచుల్ని పిండితో మూసేసి అరగంటసేపు దమ్‌ చేయాలి. దీన్ని రైతాతో వడ్డిస్తే రుచిగా ఉంటుంది.

Mushroom Noodles _ పుట్టగొడుగుల నూడుల్స్‌

Mushroom Noodles _ పుట్టగొడుగుల నూడుల్స్‌

కావలసినవి 

పుట్టగొడుగులు: పావుకిలో, 

నూడుల్స్‌: పావుకిలో, 

ఉల్లిపాయలు: రెండు, 

వెల్లుల్లి: పది రెబ్బలు, 

క్రీమ్‌: కప్పు, 

చీజ్‌ తురుము: 2 టేబుల్‌స్పూన్లు, 

వెన్న: 3 టేబుల్‌స్పూన్లు, 

జీలకర్ర: టీస్పూను, 

ఉప్పు: రుచికి సరిపడా, 

మిరియాలపొడి: అరటీస్పూను

తయారుచేసే విధానం 

* నూడుల్స్‌ను ఉడికించి నీళ్లు వంపి చన్నీళ్లతో కడగాలి. 

* పుట్టగొడుగుల్ని చిన్న ముక్కలుగా కోయాలి. ఉల్లిపాయలు, వెల్లుల్లి రెబ్బలు సన్నని ముక్కల్లా కోయాలి. 

* బాణలిలో టేబుల్‌స్పూను వెన్న వేసి కరిగించాలి. 

* ఉడికించిన నూడుల్స్‌, చిటికెడు ఉప్పు వేసి వేయించి తీసి పక్కన ఉంచాలి. 

* ఇప్పుడు మిగిలిన వెన్న వేసి ఉల్లిపాయ, వెల్లుల్లి ముక్కలు వేసి వేయించాలి. 

* పుట్టగొడుగుల ముక్కలు, జీలకర్ర వేసి రెండు నిమిషాలు వేయించాలి. 

* తరవాత ఉప్పు, మిరియాలపొడి, నూడుల్స్‌, క్రీమ్‌ వేసి కాసేపు ఉడికించాలి. 

* చివరగా తురిమిన చీజ్‌ వేసి ఓ నిమిషం వేయించి దించాలి.

katte pongali_కట్టె పొంగలి

katte pongali_కట్టె పొంగలి

కావల్సినవి:
బియ్యం- అరకప్పు,
పెసరపప్పు- పావు కప్పు,
నీళ్లు- రెండు కప్పులు,
ఉప్పు- తగినంత.

తాలింపు కోసం: 
నెయ్యి- మూడు చెంచాలు,
జీలకర్ర- చెంచా,
మిరియాలు- చెంచా,
అల్లం - చిన్న ముక్క,
కరివేపాకు- నాలుగు రెబ్బలు,
జీడిపప్పులు- పది.

తయారీ:
1) బియ్యం, పెసరపప్పును కడిగి కుక్కర్‌లో తీసుకుని నీళ్లు పోయాలి.
2) మూడు కూతలు వచ్చేవరకూ ఉడికించుకుని తీసుకోవాలి.
3) ఇప్పుడు బాణలిని పొయ్యిమీద పెట్టి నెయ్యి వేయాలి.
4) అది కరిగాక జీడిపప్పు వేయించాలి.
5) అవి కాస్త ఎర్రగా వేగాక జీలకర్రా, మిరియాలపొడీ, కరివేపాకూ, అల్లం తరుగు వేయాలి.
6) అవి కూడా వేగాక బాణలి దించేయాలి.
7) ఈ తాలింపూ, సరిపడా ఉప్పు ముందుగా ఉడికించి పెట్టుకున్న అన్నంలో వేసి కలపాలి.
8) ఈ పొంగలిని మరోసారి పొయ్యిమీద పెట్టి రెండు నిమిషాలయ్యాక దింపేయాలి

Carrot Pickle_క్యారెట్‌ పచ్చడి

Carrot Pickle_క్యారెట్‌ పచ్చడి

కావల్సినవి:
ధనియాలపొడి,
ఆవపొడి - చెంచా చొప్పున,
జీలకర్రపొడి - అరచెంచా,
మెంతిపొడి - పావు చెంచా,
కారం - రెండు చెంచాలు,
ఉప్పు - తగినంత,
ఇంగువ - చిటికెడు,
క్యారెట్లు - పదిహేను (చెక్కు తీసి ముక్కల్లా తరగాలి),
ఉల్లిపాయలు - రెండు,
అల్లంవెల్లుల్లి పేస్టు - అరచెంచా,
ఎండుమిర్చి - రెండు,
కరివేపాకు - రెండురెబ్బలు,
చక్కెర - కొద్దిగా,
నిమ్మరసం - మూడు చెంచాలు,
మినప్పప్పు, ఆవాలు, జీలకర్ర - పావుచెంచా చొప్పున,
నూనె - కప్పు.

తయారీ:
ఉల్లిపాయల్ని తరిగి మిక్సీలో పేస్టులా చేసుకోవాలి.
ఇప్పుడు బాణలిలో అరకప్పు నూనె వేడిచేసి ఆవాలు, జీలకర్ర, మినప్పప్పు, ఎండుమిర్చిని వేయించాలి.
ఆ తరవాత కరివేపాకు రెబ్బలు వేసి అవి కూడా వేగాక ఇంగువ, ఉల్లిపాయ మిశ్రమం, అల్లంవెల్లుల్లి పేస్టు వేసి బాగా వేయించాలి.
ఉల్లిపాయల పచ్చివాసన పోయాక దింపేయాలి.
అందులో సన్నగా తరిగిన క్యారెట్‌ ముక్కలు, నిమ్మరసం, తగినంత ఉప్పుతోపాటు మిగిలిన అన్ని పదార్థాల్నీ వేసేయాలి.
మిగిలిన నూనె కూడా వేసేస్తే స్పైసీ క్యారెట్‌ పచ్చడి రెడీ.
ఇది వేడివేడి అన్నంలోకే కాదు.. చపాతీల్లోకీ బాగుంటుంది.

Bengal gram Palak - చనా పాలక్‌

Bengal gram Palak - చనా పాలక్‌

కావలసిన పదార్థాలు:
నానబెట్టి ఉడికించిన శెనగలు- 1 కప్పు,
పాలకూర తరుగు- 5 కప్పులు,
పచ్చిమిర్చి- 5,
టొమాటో- 1,
జీడిపప్పు పొడి- 1/4 కప్పు,
నూనె- 1 టేబుల్‌ స్పూను,
అల్లం వెల్లుల్లి పేస్ట్‌- 1 టీ స్పూను,
ఉప్పు- రుచికి సరిపడా,
గరం మసాల, ధనియాల పొడి- ఒక్కోటి 1 టీ స్పూను చొప్పున,
కసూరి మేథీ- 1 టీ స్పూను.

తయారీ విధానం:
ఒక గిన్నెలో ఆరు కప్పుల నీళ్లు పోసి మరిగించి అరస్పూను ఉప్పు, టొమాటో వేయాలి. టొమాటో తోలు ఊడి వస్తుండగా దానిని గిన్నెలోంచి తీసేసి పాలకూర తరుగు వేసి మూడు నిమిషాలు ఉడికించి నీళ్లు వంచేయాలి. టొమాటో తోలు తీసి మిక్సీలో వేసి మెత్తగా గుజ్జు చేసి పక్కనుంచుకోవాలి. తరువాత పచ్చిమిర్చి, పాలకూరను కలిపి గుజ్జు చేసుకోవాలి. ఆ తరువాత ఒక కడాయిలో నూనె వేసి ఉల్లి ముక్కలను వేగించాక అల్లం వెల్లుల్లి పేస్ట్‌ వేసి వేగించి ఆ తరువాత టొమాటో గుజ్జు వేసి దానిలోని నీరు ఇంకిపోయే వరకూ ఉడికించాలి. ఆ తరువాత పాలకూర గుజ్జు వేసి బుడగలు వచ్చే వరకూ ఉడికించాలి. తరువాత జీడిపప్పు పొడి, గరం మసాల, ధనియాల పొడి, కసూరి మేథీ వేసి బాగా కలిపి, శెనగలు వేసి అరకప్పు నీళ్ళు పోసి మరో ఐదు నిమిషాల పాటు ఉడికించాలి. ఇది చపాతీలకు మంచి కాంబినేషన్‌.

Babycorn Butter Masala - బేబీకార్న్‌ బటర్‌ మసాలా

Babycorn Butter Masala - బేబీకార్న్‌ బటర్‌ మసాలా

కావల్సినవి:
బేబీకార్న్‌ - ఐదారు, 
ఉల్లిపాయలు - మూడు, 
టొమాటోలు - నాలుగు, 
జీడిపప్పు - పావుకప్పు, 
పచ్చిమిర్చి - రెండు, 
వెన్న - పావుకప్పు, 
కారం - చెంచా, 
ధనియాలపొడి - ఒకటిన్నర చెంచా, 
జీలకర్రపొడి - చెంచా, 
గరంమసాలా - అరచెంచా, 
కసూరీమేథీ - చెంచా, 
అల్లంవెల్లుల్లిపేస్టు - చెంచా, 
క్రీం - టేబుల్‌స్పూను, 
ఉప్పు - తగినంత.

తయారీ:

టొమాటోలు, రెండు ఉల్లిపాయముక్కలూ, జీడిపప్పూ, పచ్చిమిర్చీని ఓ గిన్నెలో తీసుకుని అవి మునిగేలా నీళ్లు పోసి పొయ్యిమీద పెట్టాలి. టొమాటోలు కొద్దిగా మెత్తగా అయ్యాక దింపేసి నీటిని వంపేయాలి. తరవాత వీటన్నింటినీ మిక్సీలో తీసుకుని మెత్తని మిశ్రమంలా చేసుకోవాలి. ఇప్పుడు బాణలిలో వెన్నను కరిగించి కసూరీమేథీ, అల్లంవెల్లుల్లి పేస్టూ వేయించి నిమిషం తరవాత మిగిలిన ఉల్లిపాయముక్కల్ని కూడా వేయాలి. అవి దోరగా వేగాక కారం, ధనియాలపొడీ, జీలకర్రపొడీ వేసి మరోసారి కలపాలి. ఇందులో టొమాటో జీడిపప్పు మిశ్రమం, తగినంత ఉప్పూ, గరంమసాలా వేసి మంట తగ్గించేయాలి. రెండుమూడు నిమిషాల తరవాత బేబీకార్న్‌ ముక్కల్ని కూడా వేసి కొన్ని నీళ్లు పోసి మూతపెట్టేయాలి. అవి ఉడికి, గ్రేవీ దగ్గరకు అయ్యాక పైన క్రీం వేసి దింపేయాలి. ఇది రొట్టెలూ, పూరీల్లోకి చాలా బాగుంటుంది. 

Brinjal Tomato Dal - వంకాయ టమోటా పప్పు

Brinjal Tomato Dal - వంకాయ టమోటా పప్పు

కావలసిన పదార్థాలు: వంకాయలు - పావు కేజీ,
కందిపప్పు - అరకప్పు,
టమోటాలు - 2,
పచ్చిమిర్చి - 2,
ఉప్పు - రుచికి తగినంత,
చింతపండు - నిమ్మకాయంత,
పసుపు - అర టీ స్పూను,
కొత్తిమీర తరుగు - అరకప్పు;
నూనె, ఆవాలు, జీలకర్ర, కరివేపాకు, ఇంగువ, మినపప్పు - తిరగమోతకి సరిపడా.

తయారుచేసే విధానం:
కప్పు నీటిలో పప్పు, పసుపు వేసి మెత్తగా ఉడికించాలి. అవసరం అయితే మరో కప్పు నీరు కలిపి జారుగా మెదిపి పక్కనుంచాలి. నూనెలో తాలింపు వేగాక (చీరిన) పచ్చిమిర్చి, వంకాయ ముక్కలు వేసి మూతపెట్టి రెండు నిమిషాలు మగ్గించి టమోటా ముక్కలు కలపాలి. ముక్కలు మెత్తబడ్డాక ఉప్పు, పప్పు వేసి 5 నిమిషాలు చిన్నమంటపై మరిగించి కొత్తిమీర చల్లి దించేయాలి. ఈ పప్పు అన్నంతో పాటు పరాటాల్లోకి కూడా చాలా బాగుంటుంది. (ముదిరిన వంకాయలను కొందరు పారేస్తుంటారు. అలాంటివాటిని పప్పులో వాడుకోవచ్చు).

Soya Dosa - సోయా దోశ

కావలసిన పదార్థాలు:
సోయా పాలు - 1 కప్పు
గోధుమ పిండి - పావు కప్పు
పచ్చిమిర్చి - 1
ఉల్లి తరుగు - అర కప్పు
కొత్తిమీర - 1 టే.స్పూను
బేకింగ్‌ సోడా - పావు స్పూను
నూనె, ఉప్పు - తగినంత

తయారీ విధానం:
అన్నిటినీ కలిపి దోశలా పిండిలా తయారు చేసుకోవాలి.
పెనం వేడెక్కాక పిండి పోసి రెండు వైపులా కాల్చుకోవాలి.
టమాటో సాస్‌తో వడ్డించాలి.

Onion Ravva Dosa - ఆనియన్‌ రవ్వ దోశ

కావలసిన పదార్థాలు:
బొంబాయి రవ్వ - 1 కప్పు
బియ్యం పిండి - 1 కప్పు
పచ్చిమిర్చి - 3
అల్లం - అర అంగుళం (సన్నగా తరగాలి)
మిరియాలు - అర టీస్పూను
జీలకర్ర - పావు టీస్పూను
ఉప్పు - తగినంత
ఉల్లిపాయలు - 3
వేయించిన జీడిపప్పు పలుకులు - 3 టీస్పూన్లు

తయారీ విధానం:
బియ్యం పిండి, రవ్వలకు నీళ్లు చేర్చి గంట జారుడుగా కలుపుకోవాలి.
జీలకర్ర, ఉప్పు పిండిలో వేసి కలపాలి.
పిండిని 4 గంటలపాటు పక్కన ఉంచి.. పులియనివ్వాలి.
ఉల్లి, పచ్చిమిర్చి, అల్లం, జీడిపప్పు, మిరియాలు కూడా వేసి కలుపుకోవాలి.
పెనం వేడిచేసి కాసింత నూనె పోయాలి.
పిండిని దోశలా పోసి ఉల్లి, పచ్చిమిర్చి ముక్కలు చల్లాలి.
నూనె పోసి దోశ కాల్చాలి.
వేడిగా సాంబార్‌ లేదా చట్నీతో వడ్డించాలి.

Cheese Chilli Dosa - చీజ్‌ చిల్లీ దోశ

కావలసిన పదార్థాలు:
బియ్యం - అర కిలో
మినప్పప్పు - 100 గ్రా
శనగపప్పు - 50 గ్రా
ఉప్పు - తగినంత
చీజ్‌ - 50 గ్రా
పచ్చిమిర్చి - కొన్ని ముక్కలు

తయారీ విధానం:
బియ్యం, పప్పు రాత్రంతా నానబెట్టాలి.
పొద్దున్నే ఉప్పు కలుపుకోవాలి.
పెనం వేడి చేసి ముందుగా నూనె పూసి తర్వాత నీళ్లు చల్లాలి.
పిండిని దోశగా పోసుకోవాలి.
చీజ్‌, పచ్చిమిర్చి తరుగు పట్టించాలి. నూనె వేసి దోరగా కాల్చి తీయాలి.

Finger Millet Dosas - రాగి దోసెలు

కావలసిన పదార్థాలు:
రాగి పిండి - 300 గ్రా
బియ్యం పిండి - 75 గ్రా
చిక్కటి, పుల్ల పెరుగు - 50 గ్రా
ఉల్లిపాయ - ఒకటి
పచ్చిమిర్చి - 3
కరివేపాకు - 1 రెమ్మ
కొత్తిమీర - 5 గ్రా
ఆవాలు - టీస్పూను
జీలకర్ర - టీస్పూను
ఎండుమిర్చి - 3
ఉప్పు - తగినంత
నీళ్లు - 100 మి.లీ

తయారీ విధానం:
గిన్నెలో రాగి, బియ్యం పిండిలకు ఉప్పు చేర్చి కలుపుకోవాలి.
పెరుగు కూడా చేర్చి కలిపి పక్కనుంచాలి.
ఆవాలు, జీలకర్ర, తరిగిన ఎండుమిర్చితో తాలింపు వేయాలి.
ఈ తాలింపును పిండిలో పోయాలి.
ఉల్లి ముక్కలు, పచ్చిమిర్చి ముక్కలు కొత్తిమీర, కరివేపాకు కూడా పిండిలో వేసి కలపాలి.
నీళ్లు పోసి పిండిని గరిటె జారుగా కలుపుకోవాలి.
వేడి పెనం మీద దోశలు పోసుకుని నూనె పోస్తూ రెండు వైపులా కాల్చుకోవాలి.

Chicken Garelu - చికెన్‌ గారెలు

కావలసిన పదార్థాలు:
బోన్‌లెస్‌ చికెన్‌ - పావు కిలో
శనగపప్పు - 2 కప్పులు
గరం మాసాలా - 2 టీస్పూన్లు
కారం - 1 టీస్పూను
అల్లం వెల్లుల్లి పేస్ట్‌ - చిన్న ముద్ద
పచ్చిమిరిపకాయలు - 4
ఉల్లిపాయలు - 2
పసుపు - చిటికెడు
కొత్తిమీర కట్ట - 1
నూనె, ఉప్పు - తగినంత
తయారీ విధానం:
గిన్నెలో శనగపప్పు వేసి నీళ్లలో నానబెట్టుకోవాలి.
చికెన్‌ ముక్కలు శుభ్రంగా కడిగి కారం, గరం మసాలా, అల్లం వెల్లుల్లి పేస్ట్‌, పసుపు, ఉప్పు వేసి తగినన్ని నీళ్లు పోసి ఉడికించుకోవాలి.
నానబెట్టిన శనగపప్పును మెత్తగా రుబ్బుకోవాలి.
ఉల్లిముక్కలు, పచ్చిమిర్చి ముక్కలు, ఉడికించిన చికెన్‌, మసాలా, కొద్దిగా ఉప్పు వేసి బాగా కలుపుకోవాలి.
కడాయిలో నూనె వేడిచేసి కొద్దిగా చికెన్‌ ముద్దను అరచేతిలో తీసుకుని మధ్యలో రంధ్రం చేసి నూనెలో వేయించాలి.