Mint Rice _ పుదీనా అన్నం

కావల్సినవి:

పుదీనా ఆకులు - రెండు కప్పులు,
కొత్తిమీర - పావుకప్పు,
అన్నం - కప్పు,
పచ్చిమిర్చి - రెండు,
నిమ్మరసం - చెంచా,
నూనె- టేబుల్‌ స్పూను,

జీడిపప్పు పలుకులు - కొన్ని,
జీలకర్ర - చెంచా,
సెనగ పప్పు - ఒకటిన్నర చెంచా,
ఉప్పు - తగినంత,
దాల్చిన చెక్క - చిన్నముక్క,
లవంగాలు - ఐదారు,
యాలకులు - రెండు,
అల్లం ముద్ద - చెంచా.

తయారీ:

బాణలిని పొయ్యిమీద పెట్టి నూనె వేయాలి. అది వేడయ్యాక జీలకర్రా, జీడిపప్పూ, సెనగపప్పు వేయించాలి.
రెండు నిమిషాలయ్యాక లవంగాలూ, దాల్చినచెక్కా, యాలకులు వేయాలి.
అవి వేగాక అల్లం ముద్దా, పచ్చిమిర్చి తరుగూ, కడిగిన పుదీనా ఆకులూ వేసి మంట తగ్గించాలి.
కాసేపటికి పుదీనా ఆకుల పచ్చివాసన పోతుంది.
అప్పుడు తగినంత ఉప్పూ, కొత్తిమీర తరుగూ, నిమ్మరసం అన్నం వేసి బాగా వేయించి దింపేయాలి.
దీన్ని ఉల్లిపాయ పెరుగు పచ్చడితో కలిపి తీసుకోవచ్చు.

Hyderabadi Veg BiryAnI - హైదరాబాదీ వెజ్‌ బిర్యానీ

కావలసినవి:

బాస్మతి బియ్యం: ఒకటిన్నర కప్పులు,
కుంకుమపువ్వు: కొద్దిగా,
పాలు: అరకప్పు,
నూనె: సరిపడా,
ఉల్లిముక్కలు (సన్నగా పొడవుగా తరిగినవి): ఒకటిన్నర కప్పులు,
జీడిపప్పు:2 టేబుల్‌ స్పూన్లు,
బాదం: 2 టేబుల్‌స్పూన్లు,
ఎండుద్రాక్ష: 2 టేబుల్‌ స్పూన్లు,
నెయ్యి: అరకప్పు,
లవంగాలు: నాలుగు,
నల్లయాలకులు: రెండు,
పలావు ఆకులు: రెండు,
ఉల్లిముక్కలు (చిన్నముక్కలుగా తరిగినవి): ముప్పావు కప్పు,
 అల్లంవెల్లుల్లి: టేబుల్‌స్పూను,
పుదీనా ముద్ద: అరకప్పు,
కొత్తిమీర ముద్ద: పావుకప్పు,
బిర్యానీ మసాలా: 3 టేబుల్‌ స్పూన్లు,
ఉప్పు: రుచికి సరిపడా,
బంగాళాదుంప ముక్కలు: ముప్పావు కప్పు,
క్యారెట్‌ ముక్కలు: ముప్పావు కప్పు,
 కాలీఫ్లవర్‌ ముక్కలు:పావుకప్పు,
బీన్స్‌ ముక్కలు: పావు కప్పు,
తాజా మీగడ: 2 టేబుల్‌స్పూన్లు,
పెరుగు: అరకప్పు,
కొత్తిమీర తురుము: టేబుల్‌స్పూను,
పిండి ముద్ద: అంచుల్ని మూసేందుకు సరిపడా
[List In English :
BiryAnI, Basmati Rice, Milk, Oil, Oninons, Cashewnut, Almond, Raisin, Ghee, Cloves, Black Cardamom, Pulav Leaves, Ginger Garlic Paste, Mint, Coriander Leaves, Biryani Masala, Salt, Potato, Carrot, Cauliflower, Beans, Fresh Cream ]

తయారుచేసే విధానం:

అన్నం కాస్త పలుకు ఉండి పొడిపొడిలాడేలా వండి పక్కన ఉంచాలి.ఒకటిన్నర టేబుల్‌స్పూన్ల గోరువెచ్చని పాలలో కుంకుమపువ్వును కరిగించి అన్నంలో వేసి బాగా కలపాలి. తరవాత అన్నం రెండు సమ భాగాలుగా చేసి పక్కన ఉంచాలి.నూనె వేసి సన్నగా పొడవుగా తరిగిన ఉల్లిముక్కలు వేసి వేయించి తీసి పక్కన ఉంచాలి. నాన్‌స్టిక్‌ పాన్‌లో సగం నెయ్యి వేసి జీడిపప్పు, బాదం, ఎండుద్రాక్ష వేసి వేయించి తీసి పక్కన ఉంచాలి. అదే పాన్‌లో లవంగాలు, యాలకులు, పలావు ఆకులు వేసి వేయించాలి. చిన్న ముక్కలుగా తరిగిన ఉల్లిముక్కలు, అల్లంవెల్లుల్లి వేసి వేయించాలి. ఇప్పుడు పుదీనా ముద్ద, కొత్తిమీర ముద్ద, బిర్యానీ మసాలా, ఉప్పు, కూరగాయల ముక్కలు వేసి కలపాలి. మీగడ, మిగిలిన పాలు పోసి ఉడికించాలి. తరవాత దించి చల్లారాక గిలకొట్టిన పెరుగు కూడా వేసి కలపాలి. ఈ మిశ్రమాన్ని రెండు భాగాలుగా చేసి పక్కన ఉంచాలి.మరో పాన్‌లో మిగిలిన నెయ్యి వేసి వేయించిన ఉల్లిముక్కలు పరిచినట్లుగా చల్లాలి. దానిమీద ఉడికించిన కూరగాయల మిశ్రమంలో ఒక భాగాన్ని పరచాలి. ఇప్పుడు దానిమీద అన్నంలో ఒక భాగాన్ని పరచాలి. తరవాత మళ్లీ ఉల్లిముక్కలు, కూరగాయల మిశ్రమం, అన్నం వరసగా పరచాలి. చివరగా మిగిలిన ఉల్లిముక్కలు, జీడిపప్పు, బాదం, ఎండుద్రాక్ష, కొత్తిమీర తురుము చల్లి మూతపెట్టి ఆవిరి బయటకు పోకుండా అంచుల్ని పిండితో మూసేసి అరగంటసేపు దమ్‌ చేయాలి. దీన్ని రైతాతో వడ్డిస్తే రుచిగా ఉంటుంది.

katte pongali_కట్టె పొంగలి

katte pongali_కట్టె పొంగలి

కావల్సినవి:
బియ్యం- అరకప్పు,
పెసరపప్పు- పావు కప్పు,
నీళ్లు- రెండు కప్పులు,
ఉప్పు- తగినంత.

తాలింపు కోసం: 
నెయ్యి- మూడు చెంచాలు,
జీలకర్ర- చెంచా,
మిరియాలు- చెంచా,
అల్లం - చిన్న ముక్క,
కరివేపాకు- నాలుగు రెబ్బలు,
జీడిపప్పులు- పది.

తయారీ:
1) బియ్యం, పెసరపప్పును కడిగి కుక్కర్‌లో తీసుకుని నీళ్లు పోయాలి.
2) మూడు కూతలు వచ్చేవరకూ ఉడికించుకుని తీసుకోవాలి.
3) ఇప్పుడు బాణలిని పొయ్యిమీద పెట్టి నెయ్యి వేయాలి.
4) అది కరిగాక జీడిపప్పు వేయించాలి.
5) అవి కాస్త ఎర్రగా వేగాక జీలకర్రా, మిరియాలపొడీ, కరివేపాకూ, అల్లం తరుగు వేయాలి.
6) అవి కూడా వేగాక బాణలి దించేయాలి.
7) ఈ తాలింపూ, సరిపడా ఉప్పు ముందుగా ఉడికించి పెట్టుకున్న అన్నంలో వేసి కలపాలి.
8) ఈ పొంగలిని మరోసారి పొయ్యిమీద పెట్టి రెండు నిమిషాలయ్యాక దింపేయాలి

Bengal gram Palak - చనా పాలక్‌

Bengal gram Palak - చనా పాలక్‌

కావలసిన పదార్థాలు:
నానబెట్టి ఉడికించిన శెనగలు- 1 కప్పు,
పాలకూర తరుగు- 5 కప్పులు,
పచ్చిమిర్చి- 5,
టొమాటో- 1,
జీడిపప్పు పొడి- 1/4 కప్పు,
నూనె- 1 టేబుల్‌ స్పూను,
అల్లం వెల్లుల్లి పేస్ట్‌- 1 టీ స్పూను,
ఉప్పు- రుచికి సరిపడా,
గరం మసాల, ధనియాల పొడి- ఒక్కోటి 1 టీ స్పూను చొప్పున,
కసూరి మేథీ- 1 టీ స్పూను.

తయారీ విధానం:
ఒక గిన్నెలో ఆరు కప్పుల నీళ్లు పోసి మరిగించి అరస్పూను ఉప్పు, టొమాటో వేయాలి. టొమాటో తోలు ఊడి వస్తుండగా దానిని గిన్నెలోంచి తీసేసి పాలకూర తరుగు వేసి మూడు నిమిషాలు ఉడికించి నీళ్లు వంచేయాలి. టొమాటో తోలు తీసి మిక్సీలో వేసి మెత్తగా గుజ్జు చేసి పక్కనుంచుకోవాలి. తరువాత పచ్చిమిర్చి, పాలకూరను కలిపి గుజ్జు చేసుకోవాలి. ఆ తరువాత ఒక కడాయిలో నూనె వేసి ఉల్లి ముక్కలను వేగించాక అల్లం వెల్లుల్లి పేస్ట్‌ వేసి వేగించి ఆ తరువాత టొమాటో గుజ్జు వేసి దానిలోని నీరు ఇంకిపోయే వరకూ ఉడికించాలి. ఆ తరువాత పాలకూర గుజ్జు వేసి బుడగలు వచ్చే వరకూ ఉడికించాలి. తరువాత జీడిపప్పు పొడి, గరం మసాల, ధనియాల పొడి, కసూరి మేథీ వేసి బాగా కలిపి, శెనగలు వేసి అరకప్పు నీళ్ళు పోసి మరో ఐదు నిమిషాల పాటు ఉడికించాలి. ఇది చపాతీలకు మంచి కాంబినేషన్‌.

Babycorn Butter Masala - బేబీకార్న్‌ బటర్‌ మసాలా

Babycorn Butter Masala - బేబీకార్న్‌ బటర్‌ మసాలా

కావల్సినవి:
బేబీకార్న్‌ - ఐదారు, 
ఉల్లిపాయలు - మూడు, 
టొమాటోలు - నాలుగు, 
జీడిపప్పు - పావుకప్పు, 
పచ్చిమిర్చి - రెండు, 
వెన్న - పావుకప్పు, 
కారం - చెంచా, 
ధనియాలపొడి - ఒకటిన్నర చెంచా, 
జీలకర్రపొడి - చెంచా, 
గరంమసాలా - అరచెంచా, 
కసూరీమేథీ - చెంచా, 
అల్లంవెల్లుల్లిపేస్టు - చెంచా, 
క్రీం - టేబుల్‌స్పూను, 
ఉప్పు - తగినంత.

తయారీ:

టొమాటోలు, రెండు ఉల్లిపాయముక్కలూ, జీడిపప్పూ, పచ్చిమిర్చీని ఓ గిన్నెలో తీసుకుని అవి మునిగేలా నీళ్లు పోసి పొయ్యిమీద పెట్టాలి. టొమాటోలు కొద్దిగా మెత్తగా అయ్యాక దింపేసి నీటిని వంపేయాలి. తరవాత వీటన్నింటినీ మిక్సీలో తీసుకుని మెత్తని మిశ్రమంలా చేసుకోవాలి. ఇప్పుడు బాణలిలో వెన్నను కరిగించి కసూరీమేథీ, అల్లంవెల్లుల్లి పేస్టూ వేయించి నిమిషం తరవాత మిగిలిన ఉల్లిపాయముక్కల్ని కూడా వేయాలి. అవి దోరగా వేగాక కారం, ధనియాలపొడీ, జీలకర్రపొడీ వేసి మరోసారి కలపాలి. ఇందులో టొమాటో జీడిపప్పు మిశ్రమం, తగినంత ఉప్పూ, గరంమసాలా వేసి మంట తగ్గించేయాలి. రెండుమూడు నిమిషాల తరవాత బేబీకార్న్‌ ముక్కల్ని కూడా వేసి కొన్ని నీళ్లు పోసి మూతపెట్టేయాలి. అవి ఉడికి, గ్రేవీ దగ్గరకు అయ్యాక పైన క్రీం వేసి దింపేయాలి. ఇది రొట్టెలూ, పూరీల్లోకి చాలా బాగుంటుంది. 

Wheat Halwa - గోధుమ హల్వా

Wheat Halwa - గోధుమ హల్వా

                           

కావల్సినవి:
గోధుమపిండి - కప్పు,
చక్కెర - ఒకటింబావు కప్పు,
నీళ్లు - ఒకటింబావు కప్పు,
వెన్న - పావుకప్పు,
జీడిపప్పూ, కిస్‌మిస్‌ పలుకులు- కొన్ని,
నెయ్యి - చెంచా.

 తయారీ:
బాణలిలో కొద్దిగా వెన్న కరిగించి జీడిపప్పూ, కిస్‌మిస్‌ పలుకుల్ని వేయించుకుని విడిగా తీసి పెట్టుకోవాలి. అదే బాణలిలో మిగిలిన వెన్న కరిగించి గోధుమపిండిని వేయించుకోవాలి. గోధుమపిండి కాస్త రంగు మారి, కమ్మటి వాసన వచ్చేవరకూ వేయించుకుని తీసుకోవాలి.

ఓ గిన్నెలో నీళ్లూ, చక్కెరా తీసుకుని పొయ్యిమీద పెట్టాలి. చక్కెర కరిగి బుడగల్లా వస్తున్నప్పుడు వేయించి పెట్టుకున్న గోధుమపిండి వేసేయాలి. మంట తగ్గించి మధ్యమధ్య కలుపుతూ ఉంటే.. ఉండలు కట్టకుండా ఉంటుంది. ఇది దగ్గరగా అయి, గిన్నె అంచుల నుంచి విడిపోతున్నప్పుడు నెయ్యి వేసి దింపేయాలి.

జీడిపప్పు, కిస్‌మిస్‌ పలుకులు వేసి తినాలి.

Onion Ravva Dosa - ఆనియన్‌ రవ్వ దోశ

కావలసిన పదార్థాలు:
బొంబాయి రవ్వ - 1 కప్పు
బియ్యం పిండి - 1 కప్పు
పచ్చిమిర్చి - 3
అల్లం - అర అంగుళం (సన్నగా తరగాలి)
మిరియాలు - అర టీస్పూను
జీలకర్ర - పావు టీస్పూను
ఉప్పు - తగినంత
ఉల్లిపాయలు - 3
వేయించిన జీడిపప్పు పలుకులు - 3 టీస్పూన్లు

తయారీ విధానం:
బియ్యం పిండి, రవ్వలకు నీళ్లు చేర్చి గంట జారుడుగా కలుపుకోవాలి.
జీలకర్ర, ఉప్పు పిండిలో వేసి కలపాలి.
పిండిని 4 గంటలపాటు పక్కన ఉంచి.. పులియనివ్వాలి.
ఉల్లి, పచ్చిమిర్చి, అల్లం, జీడిపప్పు, మిరియాలు కూడా వేసి కలుపుకోవాలి.
పెనం వేడిచేసి కాసింత నూనె పోయాలి.
పిండిని దోశలా పోసి ఉల్లి, పచ్చిమిర్చి ముక్కలు చల్లాలి.
నూనె పోసి దోశ కాల్చాలి.
వేడిగా సాంబార్‌ లేదా చట్నీతో వడ్డించాలి.

Spinach Mixed Curry - పాలకూర మిక్స్డ్ కూర

Åî{¹ت¹, ¤Ä©Â¹Øª¹, ͌չˆÂ¹Øª¹... «ÕÊ¢ OšËÅî ‡X¾Ûpœ¿Ö X¾X¾Ûp ©äŸÄ „äX¾Ûœ¿Õ «Ö“ÅŒ„äÕ Í䮾Õh¢šÇ¢. ÂÃF OšËE ƒÅŒª¹ ¹ت¹©Åî Â¹ØœÄ Â¹©’¹LXÏ «¢œ¿ÕÂî«ÍŒÕa. Ƅ䢚ð ͌֟Äl«Ö...
¤Ä©Â¹Øª¹ NÕÂþqœþ ¹“K 
Âë©®ÏÊN 
®¾Êo’à ŌJTÊ ¤Ä©Â¹Øª¹: 4 ¹X¾Ûp©Õ, «áÊÂÈœ¿©Õ: 2, …Lx«á¹ˆ©Õ: 2 ¹X¾Ûp©Õ, X¾*aNÕJa: ¯Ã©Õ’¹Õ, å®Ê’¹X¾X¾Ûp: 2 šÌ®¾ÖpÊÕx, ‚„éÕ: šÌ®¾ÖpÊÕ, °©Â¹“ª¹: šÌ®¾ÖpÊÕ, NÕÊX¾pX¾Ûp: 2 šÌ®¾ÖpÊÕx, ‡¢œ¿ÕNÕJa: ¯Ã©Õ’¹Õ, ¹J„ä¤Ä¹×: 2 骦s©Õ, …X¾Ûp: ÅŒTʢŌ, X¾®¾ÕX¾Û: ƪ¹šÌ®¾ÖpÊÕ, ²ò§ŒÖÍŒ¢Âþq: ƪ¹Â¹X¾Ûp, °œËX¾X¾Ûp: 20, Âí¦sJÂÕ: ¹X¾Ûp, „çÕ¢A¤ñœË: šÌ®¾ÖpÊÕ, ÊÖ¯ç: 4 šÌ®¾ÖpÊÕx, Æ©x¢ÅŒÕª¹Õ«á: 2 šÌ®¾ÖpÊÕx

ÅŒ§ŒÖª¹ÕÍäæ® NŸµÄÊ¢ 
«á¢Ÿ¿Õ’à ¤Ä©Â¹Øª¹ ¹œËT, ‚ªÃ¹ ®¾Êo’à Ōª¹’ÃL. «áÊÂÈœ¿Lo «á¹ˆ©Õ’à Âî®Ï „Ú˩ðx X¾®¾ÕX¾Û, …X¾Ûp „ä®Ï …œËÂË¢ÍÃL. °œËX¾X¾Ûp, Âí¦sJ NÕÂÌq©ð „ä®Ï „çÕÅŒh’à ª¹Õ¦ÇsL. ²ò§ŒÖ ÍŒ¢ÂþqÊÕ Âî¾h „äœË F@Áx©ð „ä®Ï B§ŒÖL. ¦ÇºL©ð ÂíCl’à ÊÖ¯ç „ä®Ï ÂÒù ƒ¢’¹Õ« „ä®Ï ÅŒJTÊ ¤Ä©Â¹Øª¹ „ä®Ï Âî¾h …X¾ÛpF@ÁÙx ÍŒLx «Õ’¹_E*a X¾Â¹ˆÊ …¢ÍÃL. ¦ÇºL©ð ÊÖ¯ç „ä®Ï ÂÒù ‚„éÕ, å®Ê’¹X¾X¾Ûp, °©Â¹“ª¹... ƒ©Ç ÅÃL¢X¾Û CÊÕ®¾Õ©Fo „ä®Ï „äªá¢ÍÃL. ÅŒª¹„ÃÅŒ X¾®¾ÕX¾Û, X¾*aNÕJa, …Lx«á¹ˆ©Õ „ä®Ï Ÿîª¹’à „äªá¢ÍÃL. ƒX¾Ûpœ¿Õ Æ©x¢ Ōժ¹Õ«á „ä®Ï „ä’ù ²ò§ŒÖÍŒ¢Âþq, …œËÂË¢*Ê ¤Ä©Â¹Øª¹, «áÊÂÈœ¿©Õ „ä®Ï «Õªî ‰Ÿ¿Õ ENÕ³Ä©Õ «Õ’¹_E„ÃyL. *«ª¹’à …X¾Ûp, „çÕ¢A¤ñœË, °œËX¾X¾ÛpÐ Âí¦sJ «áŸ¿l „ä®Ï ¹LXÏ «Õªî ‰Ÿ¿Õ ENÕ³Ä©Õ „äªá¢* B§ŒÖL.

Mava Kaju Sandwich - మావా కాజు శాండ్‌విచ్

Mava Kaju Sandwich - మావా కాజు శాండ్‌విచ్

 కావలసినవి:
 మెత్తగా పొడి చేసిన కోవా - 150 గ్రా; పంచదార - 40 గ్రా; నెయ్యి - టీ స్పూను; ఖర్జూరాలు - 10 (పాలలో సుమారు పది నిమిషాలు నానబెట్టాలి); జీడిపప్పు పలుకులు - 3 టేబుల్ స్పూన్లు; ఏలకుల పొడి - అర టీ స్పూను; నూనె - కొద్దిగా

 తయారి:  
 ఒక పాత్రలో కోవా పొడి, పంచదార వేసి స్టౌ మీద ఉంచి ముద్దలా అయ్యేవరకు కలిపి, దించి చల్లారాక ఈ మిశ్రమాన్ని రెండు ఉండలుగా (ఒకటి పెద్దది, ఒకటి చిన్నది) చేసి పక్కన ఉంచాలి  

 బాణలిలో నెయ్యి వేసి స్టౌ మీద ఉంచి కరిగాక, నానబెట్టి ఉంచుకున్న ఖర్జూరాలు వేసి మెత్తగా గుజ్జులా అయ్యేవరకు కలపాలి

 ఏలకుల పొడి, జీడిపప్పు పలుకులు వేసి బాగా కలిపి దించేయాలి  

 ఒక ప్లాస్టిక్ షీట్ తీసుకుని దాని మీద కొద్దిగా నూనె పూయాలి

 ఐదు అంగుళాల వెడల్పు, ఒక అంగుళం లోతు ఉన్న డబ్బా మూత తీసుకుని, అందులో ప్లాస్టిక్ షీట్ ఉంచాలి  

 తయారుచేసి ఉంచుకున్న కోవా పెద్ద బాల్ తీసుకుని మూత మధ్యలో ఉంచి, చేతితో జాగ్రత్తగా అంచులు కూడా మూసుకునేలా ఒత్తాలి  

 ఇప్పుడు కోవా మిశ్రమం మీద ఖర్జూరం మిశ్రమం ఉంచి, ఆ పైన చిన్న బాల్ పెట్టి గట్టిగా ఒత్తి పైన సిల్వర్ ఫాయిల్ ఉంచి, ఫ్రిజ్ లో పది నిమిషాలు ఉంచి తీసేయాలి  ఎనిమిది సమాన భాగాలుగా కట్ చేసి అందించాలి.

Paneer Kheer - పనీర్ ఖీర్

Paneer Kheer - పనీర్ ఖీర్

కావలసినవి:
పాలు - ఒకటిన్నర కప్పులు; పనీర్ తురుము - అర కప్పు; కండెన్స్‌డ్ మిల్స్ - ఒక కప్పు కంటె కొద్దిగా ఎక్కువ; ఏలకుల పొడి - అర టేబుల్ స్పూను; డ్రైఫ్రూట్స్ తరుగు - 3 టేబుల్ స్పూన్లు (బాదం, జీడిపప్పు, పిస్తా)

 తయారి:  
 పెద్ద పాత్రలో పాలు, పనీర్ తురుము వేసి స్టౌ మీద సన్నని మంట మీద ఉంచి, ఆపకుండా కలుపుతూ, పాలను మరిగించాలి  

 కండెన్స్‌డ్ మిల్క్ జత చే సి ఐదారు నిమిషాలు ఉంచి దించేయాలి  

 ఏలకుల పొడి, డ్రై ఫ్రూట్స్ తరుగు వేసి బాగా కలిపి ఫ్రిజ్‌లో గంట సేపు ఉంచి తీసేయాలి  

 పిస్తా తరుగు పైన చల్లి చల్లగా అందించాలి.

Lady's Finger Fry - బెండకాయ ఇగురు

Lady's Finger Fry - బెండకాయ ఇగురు

 కావలసినవి:
 బెండకాయలు - అర కిలో; నూనె - 4 టేబుల్ స్పూన్లు; వెల్లుల్లి రేకలు - 4; జీలకర్ర - టీ స్పూను; ఎండు మిర్చి - 6; జీడిపప్పు - పది; ఉప్పు - తగినంత; కొత్తిమీర తరుగు - టీ స్పూను

 తయారీ:
 ముందుగా బెండకాయలను శుభ్రంగా కడిగి ఆరబెట్టాలి  

చిన్నచిన్న ముక్కలుగా తరగాలి  

బాణలిలో నూనె వేసి కాగాక బెండకాయ ముక్కలు వేసి వేయించి మంట తగ్గించాలి  వేరే బాణలిలో నూనె లేకుండా ఎండు మిర్చి, జీలకర్ర, వెల్లుల్లి రేకలు వేసి వేయించి, చల్లారాక మిక్సీలో వేసి పొడి చేసి పక్కన ఉంచుకోవాలి  

 బెండకాయ ఇగురు బాగా వేగాక జీడిపప్పులు జత చేసి కొద్దిసేపు వేయించాక ఉప్పు వేసి కలపాలి  

 బాగా వేగిందనిపించాక, ముందుగా తయారుచేసి ఉంచుకున్న పొడి అందులో వేసి, కలిపి దించే ముందు కొత్తిమీర చల్లాలి.

Chicken Fry - చికెన్ ఫ్రై

Chicken Fry - చికెన్ ఫ్రై

 కావలసినవి:
 స్కిన్ లెస్ చికెన్ - అర కేజీ; అల్లంవెల్లుల్లి పేస్ట్ - 2 టీ స్పూన్లు; కారం - టీ స్పూను; నిమ్మరసం - 2 టీ స్పూన్లు; లవంగాలు - 3; ఏలకులు - 2; దాల్చినచెక్క - చిన్న ముక్క; పసుపు - పావు టీ స్పూను; ఉల్లిపాయ పేస్ట్ - అరకప్పు; పుదీనా ఆకులు - గుప్పెడు; ఉప్పు - తగినంత; నూనె - 3 టేబుల్ స్పూన్లు; పచ్చి మిర్చి - 3; పేస్ట్ కోసం... జీడిపప్పులు - 10; గసగసాలు - 2 టీ స్పూన్లు; ధనియాలు - 3 టీ స్పూన్లు; జీలకర్ర - టీస్పూను; పేస్ట్ కోసం పైన చెప్పిన పదార్థాలకు తగినన్ని నీళ్లు జత చేసి మిక్సీలో వేసి మెత్తగా చేసి పక్కన ఉంచాలి.

 తయారీ:
 చికెన్ ముక్కలను శుభ్రంగా కడిగి టీ స్పూను అల్లం వెల్లుల్లి పేస్ట్, అర టీ స్పూను కారం, నిమ్మరసం, పసుపు జత చేసి అర గంట సేపు మ్యారినేట్ చేయాలి  

 మ్యారినేట్ చేసిన చికెన్‌కు తగినన్ని నీళ్లు జత చేసి కుకర్‌లో ఉంచి నాలుగు విజిల్స్ వచ్చేవరకు ఉడికించాలి   

 బాణలిలో నూనె వేసి కాగాక లవంగాలు, ఏలకులు, దాల్చినచెక్క వేసి వేయించాలి   

 టీ స్పూను అల్లంవెల్లుల్లి పేస్ట్ వేసి కాసేపు వేయించాక అర టీ స్పూను కారం వేసి కలిపి, పుదీనా ఆకులు, ఉల్లిపాయ పేస్ట్ వేసి కలియబెట్టాలి

 ఉప్పు జత చేసి మసాలా మిశ్రమం బాగా విడివిడిలాడేవరకు వేయించాలి

 రెండు నిమిషాలయ్యాక ఉడికించిన చికెన్ ముక్కలు వేసి కలిపి ఐదు నిమిషాలయ్యాక దింపాలి.

Carrot Halwa - క్యారట్ హల్వా

Carrot Halwa - క్యారట్ హల్వా

కావలసినవి: 
క్యారట్ తురుము - కప్పు; పాలు - లీటరు; పంచదార - ఒకటిన్నర కప్పులు; జీడిపప్పు పలుకులు - పది; కిస్మిస్ - 10; నెయ్యి - 6 టేబుల్ స్పూన్లు; ఏలకుల పొడి - టీ స్పూను

 తయారీ:  
 పాలను స్టౌ మీద ఉంచి నాలుగో వంతు వచ్చేవరకు మరిగించి పక్కన ఉంచాలి   బాణలిలో టేబుల్ స్పూను నెయ్యి వేసి కరిగాక, క్యారట్ తురుము వేసి పచ్చివాసన పోయేవరకు వేయించాలి  

 మరిగించిన పాలు జత చేసి బాగా ఉడకు పట్టాక, పంచదార వేయాలి   

 అన్నీ బాగా ఉడుకుపట్టాక ఏలకుల పొడి, నెయ్యి వేసి కలపాలి   
 ఒక బాణలిలో కొద్దిగా నెయ్యి వేసి కరిగాక జీడిపప్పులు, కిస్మిస్ వేసి వేయించి, ఉడికిన క్యారట్ హల్వాలో వేసి దించేయాలి   

 బాగా చల్లారాక చిన్న చిన్న కప్పులలో వేసి అందించాలి.