కావలసినవి:బెండకాయలు - అర కిలో; నూనె - 4 టేబుల్ స్పూన్లు; వెల్లుల్లి రేకలు - 4; జీలకర్ర - టీ స్పూను; ఎండు మిర్చి - 6; జీడిపప్పు - పది; ఉప్పు - తగినంత; కొత్తిమీర తరుగు - టీ స్పూను
తయారీ:
ముందుగా బెండకాయలను శుభ్రంగా కడిగి ఆరబెట్టాలి
చిన్నచిన్న ముక్కలుగా తరగాలి
బాణలిలో నూనె వేసి కాగాక బెండకాయ ముక్కలు వేసి వేయించి మంట తగ్గించాలి వేరే బాణలిలో నూనె లేకుండా ఎండు మిర్చి, జీలకర్ర, వెల్లుల్లి రేకలు వేసి వేయించి, చల్లారాక మిక్సీలో వేసి పొడి చేసి పక్కన ఉంచుకోవాలి
బెండకాయ ఇగురు బాగా వేగాక జీడిపప్పులు జత చేసి కొద్దిసేపు వేయించాక ఉప్పు వేసి కలపాలి
బాగా వేగిందనిపించాక, ముందుగా తయారుచేసి ఉంచుకున్న పొడి అందులో వేసి, కలిపి దించే ముందు కొత్తిమీర చల్లాలి.
