Hyderabadi Veg BiryAnI - హైదరాబాదీ వెజ్‌ బిర్యానీ

కావలసినవి:

బాస్మతి బియ్యం: ఒకటిన్నర కప్పులు,
కుంకుమపువ్వు: కొద్దిగా,
పాలు: అరకప్పు,
నూనె: సరిపడా,
ఉల్లిముక్కలు (సన్నగా పొడవుగా తరిగినవి): ఒకటిన్నర కప్పులు,
జీడిపప్పు:2 టేబుల్‌ స్పూన్లు,
బాదం: 2 టేబుల్‌స్పూన్లు,
ఎండుద్రాక్ష: 2 టేబుల్‌ స్పూన్లు,
నెయ్యి: అరకప్పు,
లవంగాలు: నాలుగు,
నల్లయాలకులు: రెండు,
పలావు ఆకులు: రెండు,
ఉల్లిముక్కలు (చిన్నముక్కలుగా తరిగినవి): ముప్పావు కప్పు,
 అల్లంవెల్లుల్లి: టేబుల్‌స్పూను,
పుదీనా ముద్ద: అరకప్పు,
కొత్తిమీర ముద్ద: పావుకప్పు,
బిర్యానీ మసాలా: 3 టేబుల్‌ స్పూన్లు,
ఉప్పు: రుచికి సరిపడా,
బంగాళాదుంప ముక్కలు: ముప్పావు కప్పు,
క్యారెట్‌ ముక్కలు: ముప్పావు కప్పు,
 కాలీఫ్లవర్‌ ముక్కలు:పావుకప్పు,
బీన్స్‌ ముక్కలు: పావు కప్పు,
తాజా మీగడ: 2 టేబుల్‌స్పూన్లు,
పెరుగు: అరకప్పు,
కొత్తిమీర తురుము: టేబుల్‌స్పూను,
పిండి ముద్ద: అంచుల్ని మూసేందుకు సరిపడా
[List In English :
BiryAnI, Basmati Rice, Milk, Oil, Oninons, Cashewnut, Almond, Raisin, Ghee, Cloves, Black Cardamom, Pulav Leaves, Ginger Garlic Paste, Mint, Coriander Leaves, Biryani Masala, Salt, Potato, Carrot, Cauliflower, Beans, Fresh Cream ]

తయారుచేసే విధానం:

అన్నం కాస్త పలుకు ఉండి పొడిపొడిలాడేలా వండి పక్కన ఉంచాలి.ఒకటిన్నర టేబుల్‌స్పూన్ల గోరువెచ్చని పాలలో కుంకుమపువ్వును కరిగించి అన్నంలో వేసి బాగా కలపాలి. తరవాత అన్నం రెండు సమ భాగాలుగా చేసి పక్కన ఉంచాలి.నూనె వేసి సన్నగా పొడవుగా తరిగిన ఉల్లిముక్కలు వేసి వేయించి తీసి పక్కన ఉంచాలి. నాన్‌స్టిక్‌ పాన్‌లో సగం నెయ్యి వేసి జీడిపప్పు, బాదం, ఎండుద్రాక్ష వేసి వేయించి తీసి పక్కన ఉంచాలి. అదే పాన్‌లో లవంగాలు, యాలకులు, పలావు ఆకులు వేసి వేయించాలి. చిన్న ముక్కలుగా తరిగిన ఉల్లిముక్కలు, అల్లంవెల్లుల్లి వేసి వేయించాలి. ఇప్పుడు పుదీనా ముద్ద, కొత్తిమీర ముద్ద, బిర్యానీ మసాలా, ఉప్పు, కూరగాయల ముక్కలు వేసి కలపాలి. మీగడ, మిగిలిన పాలు పోసి ఉడికించాలి. తరవాత దించి చల్లారాక గిలకొట్టిన పెరుగు కూడా వేసి కలపాలి. ఈ మిశ్రమాన్ని రెండు భాగాలుగా చేసి పక్కన ఉంచాలి.మరో పాన్‌లో మిగిలిన నెయ్యి వేసి వేయించిన ఉల్లిముక్కలు పరిచినట్లుగా చల్లాలి. దానిమీద ఉడికించిన కూరగాయల మిశ్రమంలో ఒక భాగాన్ని పరచాలి. ఇప్పుడు దానిమీద అన్నంలో ఒక భాగాన్ని పరచాలి. తరవాత మళ్లీ ఉల్లిముక్కలు, కూరగాయల మిశ్రమం, అన్నం వరసగా పరచాలి. చివరగా మిగిలిన ఉల్లిముక్కలు, జీడిపప్పు, బాదం, ఎండుద్రాక్ష, కొత్తిమీర తురుము చల్లి మూతపెట్టి ఆవిరి బయటకు పోకుండా అంచుల్ని పిండితో మూసేసి అరగంటసేపు దమ్‌ చేయాలి. దీన్ని రైతాతో వడ్డిస్తే రుచిగా ఉంటుంది.

Moghalayi Biryani Badshahi - మొఘలాయీ బిర్యానీ బాద్షాహీ

Moghalayi Biryani Badshahi - మొఘలాయీ బిర్యానీ బాద్షాహీ

కావలసినవి:
మటన్ - అర కేజీ; బాస్మతి బియ్యం - పావు కేజీ; నిమ్మరసం - 3 టేబుల్ స్పూన్లు; బాదం పప్పుల తరుగు - 2 టేబుల్ స్పూన్లు; పుదీనా ఆకులు - 10; బటర్ - కప్పు; కొత్తిమీర - కొద్దిగా; జీలకర్ర - అర టేబుల్ స్పూను; ఉల్లి తరుగు - అర కప్పు; ఏలకులు - 2; నూనె - టేబుల్ స్పూను; వెల్లుల్లి రేకలు - 2; అల్లం ముక్క - చిన్నది; కుంకుమ పువ్వు - అర టేబుల్ స్పూను; పచ్చి మిర్చి తరుగు - అర టేబుల్ స్పూను; కారం - అర టేబుల్ స్పూను; దాల్చిన చెక్క - చిన్న ముక్క; పెరుగు - అర కేజీ; పాలు - 125 మి.లీ; నీళ్లు - 3 కప్పులు

 తయారీ:
 బియ్యం కడిగి నానబెట్టాలి

 బాణలిలో నూనె వేసి కాగాక ఉల్లి తరుగు వేసి గోధుమరంగులోకి వచ్చేవరకు వేయించాలి

 కొద్దిగా నీళ్లలో కుంకుమ పువ్వు వేసి కలపాలి

 అల్లం, ఎండు మిర్చి, వెల్లుల్లి, బాదంపప్పులను మిక్సీలో వేసి ముద్ద చేయాలి

 బాణలిలో బటర్ వేసి కరిగాక తయారుచేసి ఉంచుకున్న ఈ ముద్ద వేసి వేయించాలి  మటన్, ఉప్పు జత చేసి బాగా కలిపి ఐదు నిమిషాలు ఉంచాలి

 నీళ్లు పోసి బాగా ఉడికించాలి. (సుమారు ఒక కప్పు గ్రేవీ ఉండేవరకు ఉడికించాలి)

 ఒక పెద్ద పాత్రలో నీళ్లలో ఉప్పు, బియ్యం వేసి ఉడికించాలి

 పెరుగును ఒక వస్త్రంలో గట్టిగా కట్టి ఉన్న నీరంతా పోయేలా పిండేయాలి

 లవంగాలు, ఏలకులు, జీలకర్ర, పుదీనా, పచ్చి మిర్చి తరుగు, కొత్తిమీర పెరుగులో వేసి కలపాలి

 కుంకుమ పువ్వు నీరు, నిమ్మరసం రెండింటినీ మటన్‌లో వేసి కలపాలి

 సగం అన్నాన్ని మటన్ మీద వేసి, వేయించి ఉంచుకున్న ఉల్లి తరుగు వేసి మళ్లీ పైన అన్నం వేయాలి

 పాలు, కొద్దిగా పెరుగు వేసి మూత ఉంచాలి

 సుమారు గంటసేపు స్టౌ మీద ఉంచి దించేయాలి

 వేడివేడిగా వడ్డించాలి.

Choco Sweet - చాకో స్వీట్

Choco Sweet - చాకో స్వీట్

 కావలసినవి:
 డార్క్ చాకొలేట్ తురుము - 75 గ్రా; పల్లీలు + బాదం పప్పులు - రెండు టేబుల్ స్పూన్లు; తురిమిన పనీర్ - 150 గ్రా (కాటేజ్ చీజ్); కాఫీ పొడి - అర టీ స్పూను; కోకో పొడి - టీ స్పూను; పంచదార పొడి -   75 గ్రా.; బాదం పప్పులు - 8;
 చాకో చిప్స్ - అలంకరిచండానికి తగినన్ని

 తయారీ:  
 డార్క్ చాకొలేట్‌ను అవెన్‌లో ఒక నిమిషం ఉంచి కరిగించి బయటకు తీసి స్పూన్‌తో బాగా కలపాలి. ఈ మిశ్రమాన్ని చాకొలేట్ మౌల్డ్‌లో పల్చగా ఒక పొరలా పోయాలి  

 బాణలిలో పల్లీలు, బాదంపప్పులు వేసి వేయించి, చల్లారాక మిక్సీలో వేసి ముక్కలుముక్కలుగా వచ్చేలా చేయాలి  

పనీర్‌ను పొడిపొడిలా చేసి రెండు నిమిషాలపాటు చేతితో మెత్తగా చేయాలి. పంచదార, కాఫీ పొడి, కోకో పొడి, పల్లీలు + బాదం పప్పుల పొడి వేసి బాగా కలపాలి. ఈ మిశ్రమాన్ని బాల్స్‌లా తయారుచేసి, చాకొలేట్ టార్ట్ మౌల్డ్స్‌లో ఉంచి, సుమారు అరగంటసేపు ఫ్రిజ్‌లో ఉంచి తీసేయాలి  

 చాకో చిప్స్‌తో అలంకరించి చల్లగా అందచేయాలి.

Paneer Kheer - పనీర్ ఖీర్

Paneer Kheer - పనీర్ ఖీర్

కావలసినవి:
పాలు - ఒకటిన్నర కప్పులు; పనీర్ తురుము - అర కప్పు; కండెన్స్‌డ్ మిల్స్ - ఒక కప్పు కంటె కొద్దిగా ఎక్కువ; ఏలకుల పొడి - అర టేబుల్ స్పూను; డ్రైఫ్రూట్స్ తరుగు - 3 టేబుల్ స్పూన్లు (బాదం, జీడిపప్పు, పిస్తా)

 తయారి:  
 పెద్ద పాత్రలో పాలు, పనీర్ తురుము వేసి స్టౌ మీద సన్నని మంట మీద ఉంచి, ఆపకుండా కలుపుతూ, పాలను మరిగించాలి  

 కండెన్స్‌డ్ మిల్క్ జత చే సి ఐదారు నిమిషాలు ఉంచి దించేయాలి  

 ఏలకుల పొడి, డ్రై ఫ్రూట్స్ తరుగు వేసి బాగా కలిపి ఫ్రిజ్‌లో గంట సేపు ఉంచి తీసేయాలి  

 పిస్తా తరుగు పైన చల్లి చల్లగా అందించాలి.

Summer Drinks - వేసవి పానీయాలు

తేనియ రుచుల పానీయాలు!

వేసవి వేడితో జీవితం రసహీనమవుతుంటే
 దాన్ని మళ్లీ రసభరితం చేసేవే పానీయాలు.
 నిమ్మకాయ మొజిటోతో వదులుతుంది నీరసం.
 క్రమం తప్పక తాగితే ఊరుతుంది జఠర రసం.
 అప్పటివరకూ తోటకూర కాడల్లా సోలిపోయినా...
 ఆ తర్వాత మాత్రం ఒళ్లంతా చురుకు నిండిన పాదరసం.
 అందుకే ఈ మొజిటోను గెజిట్లో చేర్చాలనిపించకపోతే మీలో ‘రస’హృదయం అంతగా లేదనుకోవాల్సిందే.
 ఇక ఎండల వేడికి, మంటల గాడ్పుకు మీరు డస్సిపోతేసేద దీర్చే పానీయమవుతుంది పంజాబీ లస్సీ!
 మహా ఫ్రూట్‌పంచ్ మహత్యం అంతా ఇంతా కాదు...
 నిస్తేజాలకూ, నిరుత్సాహాలకూ అది ఇంచుకు ఒకటి చొప్పున ఇస్తుందో పంచ్.
 వెరసి...
 పానీయాలంటే మరేమిటో కాదు...
 స్వరూపం మార్చుకున్న తేనియలు.

 మొజిటో
 కావలసినవి:  
 నిమ్మకాయ - 1 (చిన్న ముక్కలుగా కట్ చేయాలి)
 పుదీనా ఆకులు - 20 (రసం చేయడానికి, గార్నిషింగ్‌కి)
 పంచదార - 2 టేబుల్ స్పూన్లు
 ఐస్ - కొద్దిగా
 సోడా - 100 మి.లీ.
 పంచదార - 2 టీ స్పూన్లు

 తయారీ:
 ఒక గిన్నెలో పుదీనా ఆకులు, చిన్నగా కట్ చేసిన నిమ్మకాయ ముక్కలు, పంచదార వేయాలి.

 కవ్వం లాంటి దానితో వాటి మీద గట్టిగా ఒత్తి, కవ్వం తీసేసి, ఐస్ ముక్కలు జత చేయాలి.

 సోడా పోసి బాగా కలపాలి.

 పుదీనా ఆకులతో గార్నిష్ చేసి సర్వ్ చేయాలి.

 పార్టీ ఫ్రూట్ పంచ్

 కావలసినవి:  
 ఆపిల్ - 2
 పుచ్చకాయ ముక్కలు - రెండు కప్పులు
 ద్రాక్షపళ్లు - 10
 పైనాపిల్- ఒక ముక్క కమలాపండు తొనలు  - 2
 పుదీనా ఆకులు - 6

 తయారీ:  
 ఆపిల్ తొక్కు తీసి ముక్కలు చేసుకోవాలి

 పుచ్చకాయ ముక్కలలో గింజలు వేరు చేయాలి

 కమలాపండు తొనలు బాగు చేసి చిన్న చిన్న ముక్కలుగా చేయాలి

 అన్ని పండ్ల ముక్కలు ఒకదాని తరవాత ఒకటి మిక్సీలో వేసి మెత్తగా చేయాలి

 ద్రాక్షపళ్లు జత చేసి మెత్తగా చేసి రసం వేరు చేయాలి

 పైనాపిల్ ముక్కలు, కమలా తొనలు, పుదీనా ఆకులను చిన్నచిన్న ముక్కలుగా చేసి, గ్లాసులలో వేయాలి

 తయారుచేసి ఉంచుకున్న జ్యూస్‌ను గ్లాసులలో పోసి సర్వ్ చేయాలి.

 స్వీట్ పంజాబీ లస్సీ

  కావలసినవి:  
 పెరుగు - 5 కప్పులు
 పంచదార - 10 టేబుల్ స్పూన్లు
 ఏలకుల పొడి - అర టీ స్పూను
 రోజ్ వాటర్ - టీ స్పూను
 చల్లటి పాలు - అర కప్పు
 కుంకుమపువ్వు - చిటికెడు
 బాదం పప్పులు - 7  (సన్నగా తురుముకోవాలి)
 ఐస్ ముక్కలు - తగినన్ని

 తయారీ:
 ఒక పాత్రలో పెరుగు, పంచదార, ఏలకుల పొడి, నీళ్లు, వేసి అన్ని పదార్థాలు కలిసే వరకు గిలక్కొట్టి, గ్లాసులలో పోయాలి

 రోజ్‌వాటర్ జత చేయాలి

 గిన్నెలో చల్లటి పాలు, కుంకుమపువ్వు వేసి కలిపి, గ్లాసులో ఉన్న పెరుగు మిశ్రమానికి జత చేయాలి

 ఐస్ ముక్కలు వేసి కలపాలి

 బాదం తురుము జత చేసి సర్వ్ చేయాలి.

 ఇండియన్ సమ్మర్

 కావలసినవి:  
 పంచదార - టేబుల్ స్పూను
 నీళ్లు - 3 టేబుల్ స్పూన్లు
 నిమ్మరసం - 2 టేబుల్ స్పూన్లు
 చింతపండు రసం - టీ స్పూను (చిక్కగా ఉండాలి)
 ఐస్ - అర కప్పు (మెత్తగా పొడి చేయాలి)
 కమలాపండు తొనలు - 2
 పైనాపిల్ ముక్కలు - 2

 తయారీ:
 ఒక పాత్రలో... పంచదార, నీళ్లు, నిమ్మరసం, చింతపండు రసం, ఐస్  వేసి అన్నీ కలిసే వరకు కలపాలి.

 గ్లాసులలో కమలాపండు ముక్కలు, పైనాపిల్ ముక్కలు వేయాలి.

 తయారుచేసి ఉంచుకున్న రసం పోసి చల్లగా సర్వ్ చేయాలి.

 ఫలూదా...

 కావలసినవి:  
 పాలు - 2 కప్పులు
 ఫలూదా సేవ్ - 1 ప్యాకెట్ (సూపర్ మార్కెట్లో లభిస్తుంది)
 రోజ్ వాటర్ - 2 టీ స్పూన్లు
 నానబెట్టిన సబ్జా గింజలు - అర టీ స్పూను
 వెనిలా ఐస్ క్రీమ్ - కొద్దిగా

 తయారీ:
 ఒక పాత్రలో తగినన్ని నీళ్లు, ఫలూదా సేవ్ వేసి సుమారు 20 నిమిషాలు ఉడికించి, ఎక్కువగా ఉన్న నీటిని ఒంపేయాలి

 గోరువెచ్చగా ఉన్న పాలలో ఫలూదా సేవ్  వేసి సన్న మంట మీద సుమారు 15 నిమిషాలు ఉంచాలి

 ఉడికించుకున్న సేవ్ చల్లబడటానికి ఐస్ జత చేయాలి

 సేవ్‌ను గ్లాసులలో వేసి, రోజ్ వాటర్ జత చేయాలి

 నానబెట్టుకున్న సబ్జా గింజలు వేయాలి

 పాలు జత చేయాలి

 వెనిలా ఐస్‌క్రీమ్‌తో గార్నిష్ చేసి సర్వ్ చేయాలి.

 మామిడి-పుచ్చకాయ రసం
 కావలసినవి:  
 మామిడిపండు - 1 (బాగా పండినది)
 పుచ్చకాయ ముక్కలు - కప్పు
 నీళ్లు - 2 కప్పులు
 ఐస్ - అర కప్పు (మెత్తగా పొడి చేయాలి)
 పంచదార - 4 టీ స్పూన్లు
 స్ట్రాబెర్రీ ఐస్‌క్రీమ్ - 2 స్కూపులు

 తయారీ:
 మామిడిపండు తొక్క తీసి చిన్నచిన్న ముక్కలుగా కట్ చేసుకోవాలి

  పుచ్చకాయ ముక్కలు చేసి గింజలు వేరు చేయాలి

 మిక్సీలో మామిడిపండు ముక్కలు, 2 టీ స్పూన్ల పంచదార, కప్పు నీళ్లు పోసి మెత్తగా చేసి పాత్రలోకి తీసుకోవాలి.

 పుచ్చకాయ ముక్కలు, కప్పు నీళ్లు, 2 టీ స్పూన్ల పంచదార, ఐస్ మిక్సీలో వేసి మెత్తగా చేయాలి

 ఒక గ్లాసులో ముందుగా పుచ్చకాయ పల్ప్ వేసి, ఆ పైన మామిడిపండు గుజ్జు వేయాలి

 స్ట్రాబెర్రీ ఐస్‌క్రీమ్‌తో గార్నిష్ చేసి సర్వ్ చేయాలి