PineApple Chutney _ అనాస పచ్చడి

PineApple Chutney _ అనాస పచ్చడి
anAsa pachhaDi

కావలసిన వస్తువులు:
అనాస (ఫైనాపిల్‌) - 150గ్రాములు,
పచ్చికొబ్బరి తురుము - 100 గ్రాములు,
వెల్లుల్లి రెబ్బలు - 3,
అల్లం - 10 గ్రాములు,
పచ్చిమిర్చి - 3,
పెరుగు - 100 గ్రాములు,
కరివేపాకు - రెండు రెబ్బలు,
ఆవాలు - అర టీ స్పూను,
ఎండుమిర్చి - 2,
కొబ్బరినూనె - 2 టేబుల్‌ స్పూన్లు.

తయారుచేసే విధానం:
అనాసను నాలుగు పలకల చిన్న చిన్న ముక్కలుగా చేసుకోవాలి. కొబ్బరి, వెల్లుల్లి, అల్లం, పచ్చిమిర్చిలను కలిపి పేస్టులా చేసుకోవాలి. కడాయిలో కొబ్బరినూనెని వేడిచేసి ఆవాలు, ఎండుమిర్చి, కరివేపాకు చిటపటమన్నాక కొబ్బరి పేస్టుని వేసి కొద్ది నిమిషాల పాటు వేగించాక, అనాస ముక్కల్ని వేసి మరో 3 నిమిషాలు ఉంచాలి. దించేముందు పెరుగు కలపాలి.

ఇది తియతియ్యగా, పులపుల్లగా కొత్త రుచిగా ఉంటుంది.

Sikindari Raan - సికందరీ రాన్‌

కావలసిన పదార్థాలు:
మటన్‌ జాయింట్‌ - 600 గ్రా
కారం - 20 గ్రా
అల్లం వెల్లుల్లి ముద్ద - తగినంత
కాశ్మీరీ కారం - 50 గ్రా
గరం మసాలా - రెండు గ్రా
ఆవ నూనె - 100 మి.లీ
పెరుగు - 300 మి.లీ
ఉప్పు - రుచికి సరిపడా
తయారీ విధానం:
కాశ్మీరీ కారం, అల్లం వెల్లుల్లి, ఉప్పు బాగా కలపాలి.
ఈ మిశ్రమాన్ని మటన్‌ జాయింట్‌కు పట్టించి ఫ్రిజ్‌లో కనీసం 6 గంటలు ఉంచాలి.
వెడల్పాటి పాత్ర తీసుకుని అందులో రెండు లీటర్ల నీళ్లు పోసి మిగిలిన పదార్థాలు, మటన్‌ జాయింట్‌ను వేయాలి.
పాత్రకు సిల్వర్‌ ఫాయిల్‌ చుట్టేయాలి.
160 డిగ్రీల్లో ఓవెన్‌ను ప్రీ హీట్‌ చేసుకుని దాన్లో పాత్రను ఉంచాలి.
ఇలా గంటంబావు ఉడికిస్తూ మధ్య మధ్యలో గమనిస్తూ ఎముక నుంచి మటన్‌ వేరు పడుతున్నప్పుడు ఓవెన్‌ నుంచి బయటకు తీయాలి.
దీన్ని మళ్లీ ఇనుప చువ్వకు గుచ్చి నిప్పులపై కాల్చాలి.
ఆ తర్వాత పైన సాస్‌తో అలంకరించి వడ్డించాలి.

Prawns Fry - రొయ్యల వేపుడు

కావలసిన పదార్థాలు:
రొయ్యలు - అర కిలో
పెరుగు - 1 కప్పు
పసుపు - అర టీస్పూను
గరం మసాలా - 1 టే.స్పూను
ధనియాల పొడి - 1 టే.స్పూను
కారం - 1 టే.స్పూను
అల్లం వెల్లుల్లి పేస్ట్‌ - 1 టే.స్పూను
ఉప్పు, నూనె - తగినంత
ఉల్లి ముక్కలు - కాసిన్ని
తయారీ విధానం:
రొయ్యలకు పెరుగు, పసుపు చేర్చి రుద్ది బాగా కడగాలి.
తర్వాత కారం, ధనియాల పొడి, గరం మాసాలా, వేసి కలిపి గంట సేపు
పక్కనుంచాలి.
బాండ్లీలో నూనె పోసి కాగాక ఉల్లి ముక్కలు వేయించి అల్లం వెల్లుల్లి పేస్ట్‌ కలపాలి.
రెండు నిమిషాలు వేగాక రొయ్యలు వేసి వేయించాలి.
చిన్న మంట మీద కలుపుతూ వేయించాలి.
15 నిమిషాలపాటు వేయించాక తరిగిన కొత్తిమీరతో అలంకరించి వడ్డించాలి.

Strawberry Shrikhand - స్ట్రాబెర్రీ శ్రీఖండ్

Strawberry Shrikhand - స్ట్రాబెర్రీ శ్రీఖండ్

 కావలసినవి:
 నీరు పూర్తిగా తీసేసిన పెరుగు - కప్పు; మెత్తగా చేసిన స్ట్రాబెర్రీల గుజ్జు - అర కప్పు; క్రీమ్ - పావు కప్పు; పంచదార - 2 టీ స్పూన్లు; స్ట్రాబెర్రీలు - 2 (చిన్న చిన్న ముక్కలుగా కట్ చేయాలి)

 తయారి:  
 ఒక పాత్రలో ముందుగా పెరుగు, పంచదార వేసి బాగా కలపాలి  

 క్రీమ్, మెత్తగా చేసిన స్ట్రాబెర్రీల గుజ్జు జత చేసి మరోమారు కలిపి, మూడు గంటలసేపు ఫ్రిజ్‌లో ఉంచి తీసేయాలి

 స్ట్రాబెర్రీలతో అలంకరించి అందించాలి. (నాలుగు కప్పుల పెరుగును మూట గడితే ఒక కప్పు పెరుగు తయారవుతుంది)

Summer Drinks - వేసవి పానీయాలు

తేనియ రుచుల పానీయాలు!

వేసవి వేడితో జీవితం రసహీనమవుతుంటే
 దాన్ని మళ్లీ రసభరితం చేసేవే పానీయాలు.
 నిమ్మకాయ మొజిటోతో వదులుతుంది నీరసం.
 క్రమం తప్పక తాగితే ఊరుతుంది జఠర రసం.
 అప్పటివరకూ తోటకూర కాడల్లా సోలిపోయినా...
 ఆ తర్వాత మాత్రం ఒళ్లంతా చురుకు నిండిన పాదరసం.
 అందుకే ఈ మొజిటోను గెజిట్లో చేర్చాలనిపించకపోతే మీలో ‘రస’హృదయం అంతగా లేదనుకోవాల్సిందే.
 ఇక ఎండల వేడికి, మంటల గాడ్పుకు మీరు డస్సిపోతేసేద దీర్చే పానీయమవుతుంది పంజాబీ లస్సీ!
 మహా ఫ్రూట్‌పంచ్ మహత్యం అంతా ఇంతా కాదు...
 నిస్తేజాలకూ, నిరుత్సాహాలకూ అది ఇంచుకు ఒకటి చొప్పున ఇస్తుందో పంచ్.
 వెరసి...
 పానీయాలంటే మరేమిటో కాదు...
 స్వరూపం మార్చుకున్న తేనియలు.

 మొజిటో
 కావలసినవి:  
 నిమ్మకాయ - 1 (చిన్న ముక్కలుగా కట్ చేయాలి)
 పుదీనా ఆకులు - 20 (రసం చేయడానికి, గార్నిషింగ్‌కి)
 పంచదార - 2 టేబుల్ స్పూన్లు
 ఐస్ - కొద్దిగా
 సోడా - 100 మి.లీ.
 పంచదార - 2 టీ స్పూన్లు

 తయారీ:
 ఒక గిన్నెలో పుదీనా ఆకులు, చిన్నగా కట్ చేసిన నిమ్మకాయ ముక్కలు, పంచదార వేయాలి.

 కవ్వం లాంటి దానితో వాటి మీద గట్టిగా ఒత్తి, కవ్వం తీసేసి, ఐస్ ముక్కలు జత చేయాలి.

 సోడా పోసి బాగా కలపాలి.

 పుదీనా ఆకులతో గార్నిష్ చేసి సర్వ్ చేయాలి.

 పార్టీ ఫ్రూట్ పంచ్

 కావలసినవి:  
 ఆపిల్ - 2
 పుచ్చకాయ ముక్కలు - రెండు కప్పులు
 ద్రాక్షపళ్లు - 10
 పైనాపిల్- ఒక ముక్క కమలాపండు తొనలు  - 2
 పుదీనా ఆకులు - 6

 తయారీ:  
 ఆపిల్ తొక్కు తీసి ముక్కలు చేసుకోవాలి

 పుచ్చకాయ ముక్కలలో గింజలు వేరు చేయాలి

 కమలాపండు తొనలు బాగు చేసి చిన్న చిన్న ముక్కలుగా చేయాలి

 అన్ని పండ్ల ముక్కలు ఒకదాని తరవాత ఒకటి మిక్సీలో వేసి మెత్తగా చేయాలి

 ద్రాక్షపళ్లు జత చేసి మెత్తగా చేసి రసం వేరు చేయాలి

 పైనాపిల్ ముక్కలు, కమలా తొనలు, పుదీనా ఆకులను చిన్నచిన్న ముక్కలుగా చేసి, గ్లాసులలో వేయాలి

 తయారుచేసి ఉంచుకున్న జ్యూస్‌ను గ్లాసులలో పోసి సర్వ్ చేయాలి.

 స్వీట్ పంజాబీ లస్సీ

  కావలసినవి:  
 పెరుగు - 5 కప్పులు
 పంచదార - 10 టేబుల్ స్పూన్లు
 ఏలకుల పొడి - అర టీ స్పూను
 రోజ్ వాటర్ - టీ స్పూను
 చల్లటి పాలు - అర కప్పు
 కుంకుమపువ్వు - చిటికెడు
 బాదం పప్పులు - 7  (సన్నగా తురుముకోవాలి)
 ఐస్ ముక్కలు - తగినన్ని

 తయారీ:
 ఒక పాత్రలో పెరుగు, పంచదార, ఏలకుల పొడి, నీళ్లు, వేసి అన్ని పదార్థాలు కలిసే వరకు గిలక్కొట్టి, గ్లాసులలో పోయాలి

 రోజ్‌వాటర్ జత చేయాలి

 గిన్నెలో చల్లటి పాలు, కుంకుమపువ్వు వేసి కలిపి, గ్లాసులో ఉన్న పెరుగు మిశ్రమానికి జత చేయాలి

 ఐస్ ముక్కలు వేసి కలపాలి

 బాదం తురుము జత చేసి సర్వ్ చేయాలి.

 ఇండియన్ సమ్మర్

 కావలసినవి:  
 పంచదార - టేబుల్ స్పూను
 నీళ్లు - 3 టేబుల్ స్పూన్లు
 నిమ్మరసం - 2 టేబుల్ స్పూన్లు
 చింతపండు రసం - టీ స్పూను (చిక్కగా ఉండాలి)
 ఐస్ - అర కప్పు (మెత్తగా పొడి చేయాలి)
 కమలాపండు తొనలు - 2
 పైనాపిల్ ముక్కలు - 2

 తయారీ:
 ఒక పాత్రలో... పంచదార, నీళ్లు, నిమ్మరసం, చింతపండు రసం, ఐస్  వేసి అన్నీ కలిసే వరకు కలపాలి.

 గ్లాసులలో కమలాపండు ముక్కలు, పైనాపిల్ ముక్కలు వేయాలి.

 తయారుచేసి ఉంచుకున్న రసం పోసి చల్లగా సర్వ్ చేయాలి.

 ఫలూదా...

 కావలసినవి:  
 పాలు - 2 కప్పులు
 ఫలూదా సేవ్ - 1 ప్యాకెట్ (సూపర్ మార్కెట్లో లభిస్తుంది)
 రోజ్ వాటర్ - 2 టీ స్పూన్లు
 నానబెట్టిన సబ్జా గింజలు - అర టీ స్పూను
 వెనిలా ఐస్ క్రీమ్ - కొద్దిగా

 తయారీ:
 ఒక పాత్రలో తగినన్ని నీళ్లు, ఫలూదా సేవ్ వేసి సుమారు 20 నిమిషాలు ఉడికించి, ఎక్కువగా ఉన్న నీటిని ఒంపేయాలి

 గోరువెచ్చగా ఉన్న పాలలో ఫలూదా సేవ్  వేసి సన్న మంట మీద సుమారు 15 నిమిషాలు ఉంచాలి

 ఉడికించుకున్న సేవ్ చల్లబడటానికి ఐస్ జత చేయాలి

 సేవ్‌ను గ్లాసులలో వేసి, రోజ్ వాటర్ జత చేయాలి

 నానబెట్టుకున్న సబ్జా గింజలు వేయాలి

 పాలు జత చేయాలి

 వెనిలా ఐస్‌క్రీమ్‌తో గార్నిష్ చేసి సర్వ్ చేయాలి.

 మామిడి-పుచ్చకాయ రసం
 కావలసినవి:  
 మామిడిపండు - 1 (బాగా పండినది)
 పుచ్చకాయ ముక్కలు - కప్పు
 నీళ్లు - 2 కప్పులు
 ఐస్ - అర కప్పు (మెత్తగా పొడి చేయాలి)
 పంచదార - 4 టీ స్పూన్లు
 స్ట్రాబెర్రీ ఐస్‌క్రీమ్ - 2 స్కూపులు

 తయారీ:
 మామిడిపండు తొక్క తీసి చిన్నచిన్న ముక్కలుగా కట్ చేసుకోవాలి

  పుచ్చకాయ ముక్కలు చేసి గింజలు వేరు చేయాలి

 మిక్సీలో మామిడిపండు ముక్కలు, 2 టీ స్పూన్ల పంచదార, కప్పు నీళ్లు పోసి మెత్తగా చేసి పాత్రలోకి తీసుకోవాలి.

 పుచ్చకాయ ముక్కలు, కప్పు నీళ్లు, 2 టీ స్పూన్ల పంచదార, ఐస్ మిక్సీలో వేసి మెత్తగా చేయాలి

 ఒక గ్లాసులో ముందుగా పుచ్చకాయ పల్ప్ వేసి, ఆ పైన మామిడిపండు గుజ్జు వేయాలి

 స్ట్రాబెర్రీ ఐస్‌క్రీమ్‌తో గార్నిష్ చేసి సర్వ్ చేయాలి