Musk Melon Juice - మస్క్‌ మెలన్‌ జ్యూస్‌
ఖర్బూజ (మస్క్‌ మెలన్‌) - ఒకటి (మీడియం సైజ్‌),
పంచదార - రెండు టేబుల్‌ స్పూన్లు,
నిమ్మరసం - కొన్ని చుక్కలు (ఇష్టపడితేనే),
నీళ్లు - సరిపడా, ఐస్‌క్యూబ్స్‌ - కొన్ని.
తయారీ:
ఖర్బూజను శుభ్రంగా కడిగి మధ్యకి రెండుగా కోయాలి. తరువాత లోపలి గింజలను తీసేసి గరిటెతో గుజ్జును తీయాలి. ఆ గుజ్జును జార్‌లో వేసి పంచదార, నిమ్మరసం కలిపి మిక్సీ పట్టాలి. చిక్కగా అనిపిస్తే కొన్ని నీళ్లు కలుపుకోవచ్చు. జ్యూస్‌ను గ్లాసులో పోసి ఐస్‌క్యూబ్స్‌ కలుపుకుని తాగితే చల్లగా, కమ్మగా హాయిగా ఉంటుంది. తక్షణ శక్తి కూడా వస్తుంది.
- నీళ్లకు బదులుగా వేడి లేదా చల్లటి పాలు వాడొచ్చు. పాలు కలిపితే మిల్క్‌షేక్‌ అవుతుంది. కాకపోతే ఇందులో ఎక్కువ పంచదార కలపాల్సి వస్తుంది. పాలు కలిపినప్పుడు నిమ్మరసం కలపకూడదు. అవసరమనుకుంటే యాలక్కాయ పొడిని పైన చల్లుకుని తాగొచ్చు.
