గోధుమరవ్వ ఇడ్లీ - Broken Wheat Idli
కావలసినవి:
గోధుమ రవ్వ, పెరుగు ఒక్కోటి అరకప్పు చొప్పున,
ఓట్స్‌ - ఒక కప్పు,
క్యారెట్‌ తురుము - మూడు టేబుల్‌స్పూన్లు,
క్యాబేజీ తురుము - ఒకటిన్నర టేబుల్‌స్పూన్‌,
పచ్చి బఠానీలు - రెండు టేబుల్‌స్పూన్లు,
ఉప్పు- తగినంత,
నీళ్లు- ఒక కప్పు,
అల్లం- కొద్దిగా,
పచ్చిమిరపకాయలు (తరిగి) - రెండు,
మిరియాలు - అరటీస్పూను,
నిమ్మరసం - కొద్దిగా,
కొత్తిమీర తరుగు, నూనె, పోపు గింజలు- రెండు టీస్పూన్ల చొప్పున,
కరివేపాకు, ఇంగువ- సరిపడినంత.
తయారీ:
కడాయిలో ఓట్స్‌ని మూడు నిమిషాలపాటు వేగించాలి. చల్లార్చి పొడి చేసుకోవాలి. వేరొక కడాయిలో నూనెపోసి పోపు గింజలు, కరివేపాకు, ఇంగువ వేగించాలి. ఆ తరువాత క్యారెట్‌, క్యాబేజీ, బఠానీలు వేయాలి. ఒక నిమిషం తరువాత గోధుమ రవ్వ, ఓట్స్‌ పొడి వేసి రెండు నిమిషాలు వేగించాలి. కొద్దిసేపటి తరువాత ఉప్పు వేసి స్టవ్‌ ఆఫ్‌ చేయాలి. ఈ మిశ్రమం చల్లారిన తరువాత పెరుగు, కొన్ని నీళ్లు పోసి ఇడ్లీ పిండిలా కలపాలి. ఇందులో నిమ్మరసం, కొత్తిమీర కలిపి ఇడ్లీ ప్లేట్లలో వేసి పావు గంటసేపు ఉండికించాలి. వేడి వేడిగా ఉన్నప్పుడు తింటే చాలా రుచిగా ఉంటాయి.
